Nur-Sultanda JOO, kolledjderdiń 145 stýdenti koronavırýs juqtyrdy

NUR-SULTAN. QazAqparat – Elordanyń joǵary oqý ornynda bilim alyp jatqan 113 stýdentten koronavırýs tabyldy. Bul týraly Nur-Sultan qalasynyń Bas memlekettik sanıtarlyq dárigeri Sarhat Beısenova aıtty, dep habarlaıdy QazAqparat tilshisi.

«Stýdentter arasynda koronavırýs ınfektsııasynyń jalpy 145 jaǵdaıy anyqtaldy. Olardyń 32-si kolledj, al 113-i joǵary oqý oryndarynyń stýdentteri. Offlaın formatta bilim alýshylardyń arasynda koronavırýs anyqtalǵandary - 4 stýdent. Onyń ishinde eki stýdent Qazaq ulttyq óner ýnıversıteti men Nazarbaev Ýnıversıtetinde, al taǵy eki stýdent Polıtehnıkalyq jáne Kóbeıindi kolledjderdiń bilim alýshylary», - dedi ol Ortalyq kommýnıkatsııalar qyzmetindegi baspasóz máslıhatynda.

Aıta keteıik, 2021 jyldyń qańtar aıynyń basynan beri elordada koronavırýs ınfektsııasynyń 3 763 jaǵdaıy tirkelgen. Onyń ishinde 752 mektep oqýshysy da bar.

Jalpy elordada 2020 jyldyń jeltoqsanymen salystyrǵanda aýrý kórsetkishi 1,5 esege nemese 35 paıyzǵa óskeni baıqalady.