Nur-Sultanda jer telimderiniń elektrondyq kartasy jasalyp jatyr

NUR-SULTAN. QazAqparat - Nur-Sultan qalasynda jerdiń elektrondyq kartasy jasalýda. Naqty ýaqyt rejıminde jer ýchaskesi týraly bárin bile alasyz: onyń kadastrlyq nómirinen bastap kommertsııalyq menshikke deıin. Bul jóninde qala ákiminiń orynbasary Málıka Bekturovaǵa silteme jasap QazAqparat habarlaıdy.

Barlyq fýnktsııalar myna parametrlerdi qamtıtyn geoaqparattyq platforma túrinde jasalady:

• 2D karta (TJJ, fýnktsıonaldyq aımaqtarǵa bólý, jer ýchaskeleri, jyljymaıtyn múlik obektileri jáne basqa);

• Úsh ólshemdi fotorealıstik málimetter bazasy úshin 3D karta;

• Kógaldandyrý kartalary, avtojoldar, gıdrografııa jáne elordanyń basqa da ınfraqurylym obektileri.

Qala boıynsha 5 myńnan astam reıs jáne 801 km2 - bul 1 pıkselge 3 sm dáldikpen Nur-Sultan jer ýchaskelerin tsıfrlandyrý kólemi.

Jumys 3 kezeńge bólingen.

Birinshi kezeń daıyn:

• Qalanyń barlyq salynǵan aýmaǵyn aerofototúsirý;

• Tsıfrlyq jerdi jáne qalanyń releftik modelin qurý.

2 kezeń 2020 jylǵy 31 jeltoqsanǵa deıin:

• 2D karta;

• 3D karta;

• Kógaldandyrý kartalary, avtojoldar, gıdrografııa jáne qalanyń basqa da ınfraqurylym obektileri.

3 kezeń 2021 jylǵy 1 sáýirge deıin:

•Qalanyń ınjenerlik jelileriniń kartalary

Budan basqa, geoaqparattyq ortalyq sheńberinde tsıfrlyq memlekettik qyzmetter kórsetý, onyń ishinde jyljymaıtyn múliktiń biryńǵaı memlekettik kadastry sheńberinde jer ýchaskelerin usyný múmkindigi týady.

Geoaqparat portalyn iske qosý 2021 jylǵa josparlanǵan.