Nur-Sultanda «Jasyl el» jasaǵynyń XV eńbek maýsymy aıaqtaldy

NUR-SULTAN. QazAqparat - Astananyń stýdenttik qurylys jáne «Jasyl el» jasaǵynyń XV maýsymynyń jabylý saltanaty ótti, dep habarlaıdy QazAqparat elorda ákimdiginiń resmı saıtyna silteme jasap.

Stýdenttik qurylys jáne «Jasyl el» jasaǵy 2005 jyly Tuńǵysh Prezıdent Nursultan Nazarbaevtyń tapsyrmasymen qurylǵan bolatyn. Bıyl da el astanasynda jastardyń respýblıkalyq eńbek jasaǵy qurylyp, onyń bólimsheleri barlyq óńirde ashyldy. Qoǵamdyq damý isteri basqarmasynyń jastarmen jumys bóliminiń basshysy Baqytjan Júnisbekovtyń aıtýynsha, bıyl «Jasyl el» shtaby jaz maýsymynda elordanyń 1000-nan astam jas turǵynyn jumyspen qamtydy.

«Jasyl el» quramynda eńbek etkisi keletin jastar sany jyl sanap artyp keledi. Bıyl shtab jospardy mejelengen shamadan artyq oryndap, myńnan astam astanalyq jas jazǵy ýaqytta jumyspen qamtamasyz etildi. Onyń úsh júzge jýyǵy - kópbalaly jáne áleýmettik az qamtylǵan otbasy balalary.

Buǵan qosa ıývenaldyq polıtsııada esepke alynǵan jastar da eńbekke tartyldy. Qaladaǵy onnan astam uıym olarǵa jumys ornyn usyndy. Olardyń arasynda «Bazıs-A», «Astana-Zelenstroı» AQ, «Astana ormany» JShS sııaqty qurylys kompanııalary men bilim berý uıymdary bar», - dedi Baqytjan Júnisbekov.

«Jasyl el» jasaǵy maýsymynyń jabylý rásimine qoǵam qaıratkerleri men estrada juldyzdary qatysty.