Nur-Sultanda jas ártister meıirim týraly qoıylymdy sahnalady
Meıirimdilikke baýlıtyn sahnalyq qoıylymdy elordadaǵy Táýelsizdik saraıynda «Kınokıo» kınematografııalyq óner mektebiniń jas ártisteri oryndap shyqty.
Atalǵan mektepte balalar men jasóspirimderdi ártistik sheberlik pen rejısser bolýdyń qyr-syrymen kıno álemine tanymal tulǵa Marat Sársenbaev úıretedi.
Ártis bolýdy úıretý kýrsy aqyly.
Jas ártisterdiń alǵashqy qoıylymyna belgili teatr rejısseri Ashat Maemırov oń baǵasyn berdi.
«Balalardyń yntasy joǵary jáne bolashaǵy zor. Onyń ústine balalar sahnada eshkimdi aldaı almaıdy, olar óz rólderin shynaıy túrde oınap shyqty. Tipti ájeniń rólin somdaǵan kishkentaı qyz balanyń ózi bolashaqta daıyn teatr ártisi ekenin kórsetti. Tanymal ártisterdiń kóbisi shyǵarmashylyq joldaryn osylaı mektep qabyrǵasynda úıirmelerge qatysa júrip bastady. Bolashaqqa jarqyn jol osy jerden bastalady», - dedi A. Maemırov.
Onyń aıtýynsha, bolashaq ártis bolatyn balalarmen kásibı mamandardyń aınalysyp jatqany kórinip tur.
«Jas talanttardyń akterlik sheberlikten bólek, án aıtatyny tipti qýantady. Maǵan osy balalarmen birlesip jumys týraly oı kelip tur. Nege kórmeske? Memorandým jasasyp, sol arqyly shyǵarmashylyq jolynda eńbektenýge bolady», - deıdi ol.
Aıta ketsek, búgin elordada balalar men jastarǵa arnalǵan damytý ortalyǵy ashyldy.
Sondaı-aq, atalǵan sharada bıyl kúzde Nur-Sultan qalasynda kórkem galereıa ashylatyny belgili boldy.
Odan bólek, sol jerde otandyq tanymal shahmatshy Dınara Sádýaqasova kásibı shahmat klýbyn ashýdy usyndy.