Nur-Sultanda jas aqyndar marapattaldy

NUR-SULTAN. QazAqparat – Elordada «Biz jastarǵa senemiz» jas aqyndar baıqaýynyń jeńimpazdary marapattaldy, dep habarlaıdy QazAqparat tilshisi.

«Jas aqyn» jobasy jastar shyǵarmashylyǵyn damytyp, sheberligin shyńdaýǵa múmkindik beretin biregeı alańǵa aınaldy. 2017 jyldan beri elimizdiń ár óńirinen myńdaǵan jas aqyn respýblıkalyq jáne halyqaralyq baıqaýlarǵa qatysyp, tanymal boldy. Bul joba QR Tuńǵysh Prezıdenti – Elbasy Nursultan Nazarbaevtyń «Bolashaqqa baǵdar: Rýhanı jańǵyrý» baǵdarlamasynyń bir bólshegine aınaldy. Osyndaı sharalar arqyly jas talanttarǵa qoldaý kórsetip, Otanǵa degen súıispenshiligin arttyrǵymyz keledi», - deıdi Nur-Sultan qalasy qoǵamdyq damý basqarmasynyń basshysy Talǵat Rahmanberdi.

Baıqaý jeńimpazdaryna Alǵys hat jáne 200 myń, 300 myń teńge kóleminde aqshalaı syılyq berildi.

Atap aıtqanda, Aqjigit Amangeldi (Qaraǵandy oblysy), Kenjebek Dýlatbek (Almaty oblysy) jáne Nurdáýlet Ómirbek (Túrkistan oblysy) júldeli ІІІ oryndy ıelendi. Astanalyq aqyndar Ernar Maqsutov pen Sánııa Júrsinova ІІ oryn aldy. Júldeli І oryn Almaty qalasynan kelgen Nurbol Muratbekke berildi.