Nur-Sultanda jas aqyndar baq synady

NUR-SULTAN. QazAqparat - Elordada QR Aqparat jáne qoǵamdyq damý mınıstrliginiń qoldaýymen, «Alash mádenıeti» qoǵamdyq qorynyń uıymdastyrýymen respýblıkalyq jas aqyndar músháırasy ótti. Bul týraly QazAqparat Elorda Info saıtyna silteme jasap habarlaıdy.

Óleń báıgesine Qazaqstan Jazýshylar odaǵynyń tóraǵasy Ulyqbek Esdáýlet bastaǵan Serikzat Dúısenǵazy, Oljas Qasym syndy aqyndar qazylyq etti.

Jyr baıqaýynda Aqmola oblysynyń týmasy Saıan Esjan bas júldeni qanjyǵaǵa baılasa, semeılik aqyn Mereı Qart І oryndy ıelendi. ІІ oryn ShQO aqyny Arman Sherızatqa, ІІІ oryn Túrkistan oblysynan Muqaǵalı Kenjetaıulyna buıyrdy.

Jeńimpazdar dıplomdarmen jáne qarjylaı syılyqtarmen marapattaldy.