Nur-Sultanda jáne birqatar óńirde aýa raıyna baılanysty eskertý jarııalandy

NUR-SULTAN. QazAqparat – Qazaqstannyń birqatar oblysyna tuman túsip, qatty jel soǵady jáne úsik júredi. Keıbir óńirlerde tótenshe órt qaýpi bar, dep habarlaıdy QazAqparat «Qargıdromet» RMK-na silteme jasap.

16 qyrkúıekte kúndiz Túrkistan oblysynyń taýly aýdandarynda naızaǵaı oınaıdy. Shyǵystan, ońtústik-shyǵystan jel soǵady, taýly aýdandarda kúshi 15-20 m/s. Oblystyń basym bóliginde tótenshe órt qaýipi bar.

16-17 qyrkúıekte túnde jáne tańerteń Soltústik Qazaqstan oblysynyń soltústik-shyǵysyna tuman túsedi. Ońtústik-shyǵystan jel soǵady, kúndiz oblystyń soltústiginde, batysynda ekpini 15-20 m/s. Túnde oblystyń ońtústik-shyǵysynda 2 gradýs úsik júredi. Petropavl qalasynda 16-17 qyrkúıekte ońtústik-shyǵystan jel soǵady, kúndiz ekpini 15-20 m/s.

16 qyrkúıekte Ulytaý oblysynyń kúndiz basym bóliginde shyǵystan jel soǵady, ekpini 15-20 m/s. Túnde oblystyń soltústiginde, shyǵysynda topyraq betinde 2 gradýs úsik saqtalady. Jezqazǵanda 16 qyrkúıekte kúndiz shyǵystan jel soǵady, ekpini 18 m/s.

16 qyrkúıekte Qaraǵandy oblysynyń túnde ońtústiginde, kúndiz basym bóliginde soltústik-shyǵystan, shyǵystan jel soǵady, ekpini 15-20 m/s. Túnde oblystyń soltústiginde, shyǵysynda 3 gradýs úsik júredi. Qaraǵandyda 16 qyrkúıekte kúndiz soltústik-shyǵystan, shyǵystan jel soǵady, ekpini 18 m/s. Túnde topyrak betinde 3 gradýs úsik bolady.

Qyzylorda oblysynda tótenshe órt qaýpi saqtalady.

16 qyrkúıekte túnde jáne tańerteń Abaı oblysynyń soltústiginde tuman kútiledi. Túnde oblystyń soltústiginde topyraq betinde 3 gradýs úsik júredi. Jel soltústik-batystan, soltústikten soǵady, oblystyń ońtústik-batysynda kúshi 15-20, kúndiz ekpini 23 m/s. Semeı qalasynda 16 qyrkúıekte jel soltústikten soǵady, kúndiz ekpini 15-18 m/s. Túnde topyraq betinde 2 gradýs úsik kútiledi.

16 qyrkúıekte Jetisý oblysynyń soltústiginde, shyǵysynda soltústik-shyǵystan jel soǵady, kúshi 15-20, ekpini 25 m/s bolady. Túnde oblys ortalyǵynda jáne taýly aýdandarynda 1-6 gradýs úsik saqtalady. Taldyqorǵan qalasynda 16 qyrkúıekte túnde 1-3 gradýs úsik kútiledi.

16 qyrkúıekte túnde jáne tańerteń Shyǵys Qazaqstan oblysynyń soltústiginde tuman bolady. Túnde oblystyń soltústik-shyǵysynda topyraq betinde 2 gradýs úsik júredi. Jel soltústik-batystan soǵady, kúndiz oblystyń soltústiginde kúshi 15-20 m/s. Óskemen qalasynda 16 qyrkúıekte túnde topyraq betinde 2 gradýs úsik júredi.

16 qyrkúıekte Batys Qazaqstan oblysynyń túnde batysynda, soltústiginde, ońtústiginde, kúndiz basym bóliginde naızaǵaı kútiledi. Jel ońtústik-batystan, ońtústikten soǵady, kúndiz oblystyń ońtústik-batysynda, soltústik-shyǵysynda ekpini 15-20 m/s. Oral qalasynda 16 qyrkúıekte naızaǵaı oınaıdy.

16 qyrkúıekte túnde Aqtóbe oblysynyń soltústiginde jeldiń baǵyty ońtústik-shyǵystan batysqa aýysady ekpini 16 m/s bolady. Aqtóbe qalasynda 16 qyrkúıekte túnde jeldiń baǵyty ońtústik-shyǵystan batysqa aýysady ekpini 15 m/s.

16 qyrkúıek kúndiz Atyraý oblysynyń batysynda, soltústiginde, shyǵysynda naızaǵaı oınaıdy. Oblystyń soltústiginde tótenshe órt qaýpi saqtalady

16 qyrkúıekte Aqmola oblysynda ońtústik-shyǵystan, shyǵystan jel soǵady, oblystyń batysynda, ońtústiginde ekpini 15-20 m/s kútiledi. Oblystyń soltústiginde, shyǵysynda túnde 2 gradýs úsik saqtalady.

Nur-Sultan qalasynda 16 qyrkúıekte ońtústik-shyǵystan, shyǵystan jel soǵady, kúndiz ekpini 15-18 m/s. Túnde topyraq betinde 1 gradýs úsik saqtalady.