Nur-Sultanda jańa jyldyń alǵashqy kúnderi tynysh ótti

NUR-SULTAN. QazAqparat - Jańa jyldyq mereke kezinde Nur-Sultan qalalyq polıtsııa departamentiniń qyzmetkerleri halyqtyń tynyshtyǵy men qaýipsizdigin qamtamasyz etip, belsendi jumys istedi. Bul týraly QazAqparat Nur-Sultan qalalyq polıtsııa departamentiniń baspasóz qyzmetine silteme jasaı otyryp habarlaıdy.

Elorda polıtsııasynyń bastyǵy Erjan Sádenovtiń aıtýynsha, jańa jyl túni men jańa jyldyń alǵashqy kúnderi tynysh ótti. Ásirese, aýyr qylmystarǵa jol berilmedi. Osy aralyqta elorda aýmaǵynda 27 qylmys tirkeldi, onyń 20-sy «izin sýytpaı» ashyldy. «102» polıtsııasynyń jedel shaqyrý pýltine azamattardan 2 myńnan astam qońyraý tústi. Shaǵymdardyń basym bóligi jol erejesin, túngi tynyshtyqty buzýǵa jáne otbasylyq janjaldarǵa qatysty boldy.

Sonymen qatar, elorda joldarynda 126 jol-kólik oqıǵasy tirkeldi, adam ólimi bolǵan joq. Mas kúıinde kólik quralyn basqarǵany úshin 9 júrgizýshi ustalyp, olarǵa qatysty ÁQBtK-niń 608-baby, 1-tarmaǵy boıynsha ákimshilik is qozǵaldy.

«Qurmetti elorda turǵyndary men qonaqtary, barshańyzdy jańa jylmen quttyqtap, densaýlyq pen baqyt tileımin! Zańsyz áreketterdi jasamaı, jol erejelerin saqtap, abaı bolyńyzdar. Ózińizge jáne jaqyndaryńyzǵa qamqor bolyńyzdar!»- deıdi Nur-Sultan polıtsııa departamentiniń basshysy Erjan Sádenov.