Nur-Sultanda zergerlik eksport bıýrosy ashylady
«Іske asyrylyp jatqan ındýstrııalyq saıasattyń arqasynda biz óńdeý ónerkásibiniń berik tuǵyryn qura aldyq. Bul pandemııa jaǵdaıynda salanyń ósý qarqynyn saqtaýǵa múmkindik berdi. Tústi metallýrgııada ósim 3 paıyzdy qurady. Bul jerde syrtqy naryqtyń konıýnktýrasy qolaıly bolyp, basqa elderden jetkizilimderdiń tómendeýi esebinen kásiporyndarymyz úshin dástúrli naryqta ótkizý kólemi ulǵaıdy. Sonymen qatar, joǵary qaıta bólý ónimderin óndirýdi yntalandyrý úshin QR Saýda jáne ıntegratsııa mınıstrligimen alıýmınıı qorytpalaryna eksporttyq bajdardy tómendetý boıynsha birlesken buıryq qabyldadyq», - dedi ol.
Mınıstrdiń atap ótýinshe, altynnyń kóleńkeli aınalymyna jáne zańsyz qurylysqa qarsy kúres maqsatynda QR Parlamenti Májilisiniń depýtattarymen birlesip, qylmystyq jaýapkershilikke tartý boıynsha Qylmystyq kodekske túzetýler ázirlendi.
«Sondaı-aq, zergerlik buıymdar naryǵyn retteý úshin Eýrazııalyq ekonomıkalyq odaq elderindegi seriktesterimizben birlesip, Nur-Sultan qalasynda zergerlik eksporttyq bıýro ashý jónindegi tujyrymdamaǵa qol qoıdyq. Bul - otandyq zergerlerdiń damýy men olardyń ónimderiniń eksporttyq naryqtarǵa shyǵýy úshin mańyzdy qadam», - dedi Beıbit Atamqulov.
Sonymen qatar mınıstrdiń aıtýynsha, qara metallýrgııada óndiris kólemi 2,7 paıyzǵa ósip, 789 mlrd teńgeni qurady.
«Paıdalanýǵa berilgen jańa jobalar, ótkizý naryqtarynyń ashylýyna jáne ónimge suranystyń qalpyna kelýine baılanysty jumys istep turǵan kásiporyndardyń óndiris kóleminiń ulǵaıýy ósimge áser etti. Qaraǵandy oblysynda qýattylyǵy jylyna 2,5 mln tonna kómir kontsentratyn quraıtyn «Qaz Qarbon» jaýapkershiligi shekteýli seriktestigi baıytý fabrıkasy iske qosyldy. Óndiriste Indýstrııa 4.0 elementterimen qazirgi zamanǵy tsıfrlyq tehnologııalar engizildi. Bul eń zamanaýı ekologııalyq turǵyda taza zaýyt sanalady», - dedi ol.