Nur-Sultanda vaktsınalanǵan qyzmetkerler 27 maýsymnan offlaın-jumysqa aýysady

NUR-SULTAN. QazAqparat - Nur-Sultanda karantındik shekteýlerdi kúsheıtý týraly jańa qaýly erteń, ıaǵnı 27 maýsymda kúshine enedi, dep habarlaıdy QazAqparat.

Jańa qaýly QR aýmaǵynda koronavırýs ınfektsııasynyń paıda bolýy men taralýyna jol bermeý jónindegi vedomstvoaralyq komıssııa otyrysynyń 2021 jylǵy 22 maýsym kúngi hattamasyna sáıkes qabyldanǵan bolatyn.

Qujatqa sáıkes, memlekettik organdardyń, ulttyq kompanııalardyń, kásiporyndardyń ákimshilik qyzmetkerleriniń keminde 80% qashyqtan jumys isteý tártibine kóshýi kerek. Al vaktsınany tolyq qabyldaǵan qyzmetkerler oflaın rejımdegi jumysqa jiberiledi.

«Óndiristik qajettilikke baılanysty menshik nysanyna qaramastan memlekettik organdardyń (uıymdardyń), ulttyq kompanııalardyń, kásiporyndardyń ákimshilik personalynyń keminde 80% qashyqtan jumys isteý túrine kóshirilýi tıis. Bul rette sońǵy 3-6 aı ishinde COVID-19-ǵa qarsy vaktsınalaýdyń tolyq kýrsyn alǵan jáne COVID-19-ben aýyryp jazylǵan barlyq qyzmetkerdiń kúndizgi rejımde jumys isteýine ruqsat beriledi», — delingen qaýlyda.

Eske salaıyq, keshe Nur-Sultan qalasynyń ákimi Altaı Kólginov vaktsınatsııalanǵan qyzmetkerlerdiń qatary az bolsa nysannyń jumysy toqtatylatynyn aıtqan bolatyn.