Nur-Sultanda vaktsına alǵandar arasynda ótken utys oıynynyń jeńimpazdary anyqtaldy

NUR-SULTAN. QazAqparat - Nur-Sultanda vaktsınalanǵandar arasynda taǵy eki iPhone12 jáne basqa da baǵaly syılyqtardyń jeńimpazdary belgili boldy, dep habarlaıdy QazAqparat elorda ákimdiginiń resmı saıtyna silteme jasap.

Taǵy eki iPhone12 men turmystyq tehnıkanyń segizinshi utys oıyny 28 tamyzda (senbi) saǵat 17:00-de Nur-Sultan qalasy ákimdiginiń áleýmettik jelilerdegi (Facebook, YouTube) paraqshalarynda tikeleı efırde ótti.

Segizinshi utys oıynyna 21 tamyz ben 27 tamyz aralyǵynda (qosa alǵanda) vaktsınatsııalanǵandar qatysty.

Segizinshi utys oıynynyń jeńimpazdary:

1) № 7613 Ádilbek Ábenov – iPhone 12;

2) № 197 Gúljazıra Nuǵymanova – iPhone 12;

3) № 2507 Kereeva Dınara Zarapovna – «Mechta» dúkender jelisiniń tońazytqyshy;

4) № 6689 Kýmakov Sabyrjan Saılaýbekuly – «Mechta» dúkender jelisiniń teledıdary;

5) № 5186 Hamıtova Dıdar Amangeldınovna – «Mechta» dúkender jelisinen kir jýǵysh mashınasy.

Vaktsınalanǵandardyń arasynda sońǵy úlgidegi iPhone telefonynyń 19 danasy, 6 tońazytqysh, 4 teledıdar, 2 planshet, 4 mıkrotolqyndy pesh, 5 prınter, 2 beınetirkegish, kir jýǵysh mashınalar, Alısa aqyldy kolonkasy, aýa ylǵaldandyrǵysh jáne t.b. oınatyldy.

Elorda turǵyndarynyń ótinishin eskere otyryp, vaktsınalanǵandar arasynda ótetin eki bólmeli páterdiń utys oıyny uzartyldy. Osylaısha, 25 maýsym men 28 qyrkúıek aralyǵynda (28 qyrkúıek qosa alǵanda, buryn 31 tamyz bolǵan) Nur-Sultanda vaktsınalanǵandardyń eki bólmeli páterdi utyp alý múmkindigi bar. Utys oıynyna osy jyldyń 25 maýsymy men 28 qyrkúıegi aralyǵynda vaktsınanyń birinshi komponentin alǵan 18 jastan asqan turǵyndar qatysa alady.

Bul utys oıyndaryna vaktsınatsııanyń barlyq pýnkti qatysady: medıtsınalyq mekemeler, SOO/SÚ. Utys oıynyna qatysý avtomatty, arnaıy qujat toltyryp, tirkelýdiń qajeti joq. Qala ákimdigi baǵaly syılyqtardyń utys oıyndaryn demeýshiler esebinen ótkizedi.

Birge platformasynda (https://birge-elorda.kz/nur-sultan) utys oıynynyń jeńimpazdaryn anyqtaý úshin arnaıy randomaızer servısi ornatylǵan, ol ekpe alǵandar arasynda ID arqyly júlde ıelerin tańdaıdy. Ázirleýge IT-qaýymdastyq ta qatysty. Vaktsınalanǵandar boıynsha servıs QR Densaýlyq saqtaý mınıstrliginiń aqparattyq júıesimen biriktirilgen.

Baǵaly syılyqtardyń utys oıyndary qala turǵyndary men qonaqtaryn vaktsınalaýǵa yntalandyrý úshin ótkiziledi. Tek vaktsınatsııa sizdiń de densaýlyǵyńyzdy, jaqyndaryńyz ben aınalańyzdaǵy adamdardyń da densaýlyǵyn qorǵaýǵa múmkindik beredi. Óıtkeni, basty maqsat – ujymdyq ımmýnıtetti damytý jáne burynǵy karantınge deıingi rejımge oralý.