Nur-Sultanda ujymdyq ımmýnıtettiń qalyptaspaý qaýpi bar

NUR-SULTAN. QazAqparat – Elordada ujymdyq ımmýnıtettiń qalyptaspaý qaýpi bar. Bul týraly qalanyń bas memlekettik sanıtar dárigeri Sarhat Beısenova aıtty, dep habarlaıdy QazAqparat tilshisi.

«Qazirgi ýaqytta Nur-Sultan qalasy boıynsha vaktsınanyń birinshi komponentinin 484 myńnan astam azamat alyp, ımmýndaýdyń tolyq kýrsynan 454 myń adam ótti. Degenmen, muny jetkiliksiz dep sanaımyn jáne halyq arasynda ımmýndyq qabatty arttyrý úshin ekpe naýqanyn jalǵastyrý qajet», - dedi ol qala ákimdiginde ótken baspasóz máslıhatynda.

Bas sanıtar dárigerdiń dereginshe, 1-15 jeltoqsan aralyǵynda 12 866 adam ekpe alsa, 16-29 jeltoqsan aralyǵynda vaktsınatsııa qarqyny tómendedi. Naqty aıtqanda 9949 adam ekpe saldyrdy.

«Vaktsına alǵan adamdar sanynyń tómendeýi ujymdyq ımmýnıtettiń qalyptaspaı qalýyna alyp kelýi jáne aýrýdyń órshýine túrtki bolýy múmkin ekendigin atap ótkim keledi. Áserdi saqtaý úshin ımmýndaýdan keıin ýaqyt óte kele qorǵanystyń álsireýinen revaktsınatsııa alý talap etiledi», - dedi Sarhat Beısenova.