Nur-Sultanda úsh jylda negizgi kapıtalǵa quıylǵan ınvestıtsııa 25%-ǵa ósti
Búgingi kúni ınvestıtsııalar qurylymynda oń dınamıka baıqalady – jekemenshik ınvestıtsııalardyń úlesi artyp keledi, al bıýdjettik ınvestıtsııalar kólemi tómendep keledi. Eger 2016 jylǵa deıin ınvestıtsııalyq qurylymda bıýdjettik qarajat kólemi shamamen 42%-ǵa jetse, 2018 jyldyń qorytyndysy boıynsha ol 17,6%-ǵa qysqardy. Búginde jekemenshik ınvestıtsııalardyń úlesi 85,2%-dy quraıdy, ósim shaǵyn bıznes esebinen kórinis tapty.
Investıtsııalardy tartýdyń negizgi quraldarynyń biri jumys istep turǵan «Astana – jańa qala» jáne «Astana-Tehnopolıs» arnaıy ekonomıkalyq aımaqtary bolyp tabylady.
«Astana – jańa qala» AEA birinshi parkiniń aýmaǵynda 73 joba júzege asyrylýda. Olardyń 50-i iske qosyldy, qalǵan 23 jobany aldaǵy 3 jylda júzege asyrý josparlanǵan. Jalpy, birinshi park 95%-ǵa tolyq, sondyqtan, aýmaǵy 433,1 ga bolatyn ekinshi parkti qurý týraly sheshim qabyldady.
Jaýapsyz ınvestorlardan aýmaqtardy qaıtarý boıynsha jumystar júrgizilýde. Shamamen 52,3 ga ýchaske bosatyldy, bul aýmaqqa 12 óndiris ornalastyryldy.
Sonymen qatar, «Astana – jańa qala» AEA-nyń aýmaǵyn 8 myń gektarǵa keńeıtý týraly sheshim qabyldandy, bul jumys apatty jáne eski turǵy úılerdi renovatsııalaý jáne aýmaqtardy ıgerý esebinen júrgizilmek. Bul sharalardyń arqasynda 2 trln. teńge ınvestıtsııa tartylady, 400 jańa áleýmettik nysan salynady. 15 mln. sharshy metr turǵyn úı qurylysy júrgizilip, 160 myń jańa jumys orny ashylady.
Búginde «Astana-Tehnopolıs» AEA-da jalpy somasy 334 mlrd. teńge bolatyn 9 joba tirkelgen, olardyń ekeýi ІT salasynda iske qosylǵan.
Sonymen qatar, «Abý-Dabı Plaza jobasynyń eki bóliginiń qurylysy aıaqtaldy. Bul - «Abý Dabı Mall» saýda-saýyq ortalyǵy jáne 14 qabatty «Scheraton» oteli. Nysan 6 bloktan quralady, olardyń 91,8%-y daıyn. Joba 2020 jyldyń maýsymynda aqtalady dep kútilýde.
Jalpy, Nur-Sultan qalasy boıynsha jalpy somasy shamame 2,8 trln. teńge bolatyn 200 joba bar. 2019 jyly jalpy somasy 254,5 mlrd. teńge bolatyn 35 joba júzege asyryldy.