Nur-Sultanda úsh kúnde 14 mas júrgizýshi ustaldy

NUR-SULTAN. QazAqparat – Jyl basynan beri elordada 496 jol-kólik oqıǵasy bolyp, saldarynan 29 adam qaza tapty, taǵy 500 azamat túrli dene jaraqattaryn aldy. Bul týraly QazAqparat Nur Sultan qalalyq Polıtsııa departamentine silteme jasap habarlaıdy.

«21-23 qarasha aralyǵynda elordada jol-kólik oqıǵalarynyń aldyn alý jáne olardyń saldaryn azaıtý maqsatynda jedel-profılaktıkalyq shara ótti. Úsh kún ishinde 800-ge jýyq jol qozǵalysy erejesin buzý faktisi anyqtaldy. Onyń ishinde manevr jasaý erejesin buzǵan - 57 júrgizýshi, mas kúıinde kólik júrgizgen - 14, qarsy baǵytqa shyǵyp ketken – 9, baǵdarshamnyń tyıym salynǵan belgisine ótip ketken - 29 jaǵdaı, jaıaý júrginshilerge jol bermegen - 18 júrgizýshi anyqtaldy. 37 avtokólik aıyp turaǵyna qoıyldy», - delingen baspasóz habarlamasynda.

Sondaı-aq 124 jaıaý júrginshi joldy ótý kezinde qaýipsizdik erejelerin buzǵan.

«Qoǵamdyq kólik júrgizýshileriniń jol qozǵalysy erejelerin saqtaýyna da erekshe kóńil bólindi. Tehnıkalyq aqaýlaryna qaramastan, avtobýstardyń jolǵa shyǵýyna qatysty 12 fakti tirkeldi», - delingen habarlamada.

Jajpy, jyl basynan beri elordada 496 jol-kólik oqıǵasy bolyp, sonyń saldarynan 29 adam qaza tapty, 500 azamat ártúrli dene jaraqattaryn alǵan.

«Jyl basynan 1800 kólik júrgizýshisi jol qozǵalysy erejelerin buzǵany úshin kólik júrgizý kýáliginen aıyrylyp, 64 júrgizýshi ákimshilik qamaýǵa alyndy», - delingen habarlamada.