Nur-Sultanda ulttyq at sportynan respýblıkalyq jarys ótti

NUR-SULTAN. QazAqparat - Nur-Sultan qalasynda at sportynan respýblıkalyq jarys ótti, dep habarlaıdy QazAqparat elorda ákimdiginiń resmı saıtyna silteme jasap.

Jarysty Mádenıet jáne sport mınıstrligi, Aýyl sharýashylyǵy mınıstrligi jáne Nur-Sultan qalasynyń ákimdigi birge uıymdastyrdy.

Shara «Atbegiler men shabandozdar uıymy» respýblıkalyq qoǵamdyq birlestigi bekitken at jarysy kestesine sáıkes ótkizildi.

«Búgingi ulttyq at sporty sharasy Táýelsizdiktiń 30 jyldyǵyna oraı uıymdastyryldy. Barlyq uıymdastyrýshylarǵa alǵysymdy jetkizgim keledi. Osyndaı ulttyq sport túrleri damı bersin. Biz Mádenıet jáne sport mınıstrligi árdaıym sport jarystaryn qoldaımyz. Búgin at jarysqa jer-jerden 70-ke jýyq shabandoz qatysýda. Barlyq qatysýshyǵa sáttilik tileımin!» — dedi Mádenıet jáne sport mınıstrliginiń Sport jáne dene shynyqtyrý isteri komıtetiniń tóraǵasy Serik Sápıev.

Atalǵan is-sharada veterınarlyq reglament standartynyń talaptaryn saqtaı otyryp, jarysqa qatysýshylardy testileý úshin dopıng-baqylaý júrgizildi.

Jylqylardan dopıng-baqylaý test alý úshin arnaıy komıssııa qurylǵan.

«Atbegiler men shabandozdar» - 2018 jyldyń 20 jeltoqsanynda memlekettik tirkeýden ótken arnaýly uıym.

Onyń negizgi maqsaty — tek daladaǵy báıgelerdi emes, barlyq eldi mekende, onyń ishinde qalalardaǵy ıppodrom jarystaryn ótkizý.

Aıta keteıik, respýblıkalyq jarys sanıtarlyq talaptardy saqtaı otyryp ótti.