Nur-Sultanda túrik ınvestorlary medıtsınalyq buıymdar shyǵaratyn kásiporyn salady
«MFA Mask» kompanııasynyń túrik ınvestorlary Nur-Sultanda medıtsınalyq maskalar óndirisine ınvestıtsııa salmaq. QR Premer-Mınıstriniń orynbasary Eraly Toǵjanovtyń tóraǵalyǵymen ótken keńes barysynda QR Syrtqy ister mınıstrligi, Nur-Sultan qalasynyń ákimdigi jáne «MFA Mask» arasynda jobany iske asyrý týraly tıisti úshjaqty memorandýmǵa qol qoıyldy. Kásiporyn Nur-Sultanda «Astana – jańa qala» arnaıy ekonomıkalyq aımaǵynyń aýmaǵynda ornalasady. Jalpy quny shamamen 9,3 mln dollardy quraıtyn jobany «KAZAKH INVEST» UK» AQ qoldaýymen iske asyrý josparlanyp otyr», - delingen aqparatta.
Qujatqa sáıkes, túrik kásipkerleri jobany 2024 jylǵa deıin eki kezeńde júzege asyrýdy kózdep otyr.
Birinshi kezeńdi 2021 jyldyń qazan aıynda aıaqtaý josparlanýda. Solaısha, jyl saıyn 3,5 mıllıonǵa deıin medıtsınalyq buıym shyǵarý kózdelip otyr.
Ekinshi kezeńde ónim kólemi 10 mln birlikke deıin arttyrylmaq.
«Kásiporynda FFP2 jáne FFP3 sanattaǵy respıratorlar shyǵarylatyn bolady. Sondaı-aq gazqaǵarlar men súzgiler, evakýatsııalaýǵa arnalǵan ózdiginen totyqtyrylatyn maskalar óndirisi jolǵa qoıylady.
Jobany iske asyrý 100-ge jýyq turaqty jumys ornyn qurýǵa múmkindik beredi.
Kásiporynda zamanaýı túrik jáne nemis jabdyqtaryn ornatylady.
Budan basqa, Túrkııadan joǵary sapaly sertıfıkattalǵan shıkizatty jetkizý jolǵa qoıylady. Óndirilgen ónim Qazaqstan naryǵyna jetkizilip, Reseı men Ortalyq Azııa elderine eksporttalady», - dedi «KAZAKH INVEST»-ten.