Nur-Sultanda tómen baǵamen mektep jármeńkesi ótedi

NUR-SULTAN. QazAqparat – Nur-Sultan qalasynda mektep taýarlarynyń jármeńkesi ótedi, dep habarlaıdy QazAqparat qala ákimdiginiń resmı saıtyna silteme jasap.

Jármeńke «Mektepke jol» jalpy respýblıkalyq qaıyrymdylyq aktsııasy aıasynda uıymdastyrylady jáne 25-28 tamyz aralyǵynda Demalys promenad alleıasynda saǵat 10.00 – 19.00 aralyǵynda ótedi.

Munda ata-analar men balalar mektepke kerek-jaraqtyń barlyq túrin taba alady: qalam, dápter, túrli-tústi boıaýlardan bastap rıýkzaktar men mektep formalaryna deıin. Barlyǵy tómen baǵada usynylady.

«Sondaı-aq úkimettik emes uıymdardyń, atap aıtqanda, «Quqyq« qoǵamdyq qorynyń jáne balalar men ata-analarǵa arnalǵan psıhologııalyq qoldaý qyzmetiniń jumysyn uıymdastyrý josparlanýda. Bul rette balalardyń quqyǵyn qamtamasyz etý máseleleri boıynsha mamandardyń zańdyq, áleýmettik jáne psıhologııalyq konsýltatsııasyn alý múmkindigi bar. Mektep jármeńkesi kontserttik baǵdarlamamen jalǵasady», - delingen málimette.