Nur-Sultanda sıntetıkalyq esirtki saýdalaýshy ustaldy

NUR-SULTAN. QazAqparat – «Qarasora-2021» jedel aldyn alý sharasy aıasynda polıtseıler astana aýmaǵyndaǵy esirtki jáne júıkege áser etetin zattardy satýmen aınalysatyn adamdardy anyqtaý boıynsha jumystar júrgizýde, dep habarlaıdy QazAqparat Nur-Sultan qalasy polıtsııa departamentiniń baspasóz qyzmetine silteme jasap.

Jedel-aldyn alý sharalaryn júrgizý barysynda polıtseıler sıntetıkalyq esirtki satýmen aınalysqan 21 jastaǵy elorda turǵynyn ustady.

Kúdiktiniń jaldamaly páterin tintý kezinde psıhotropty zattar qoıylǵan elektrondy tarazy, esirtkini oraýǵa arnalǵan 350 polıetılen paket, 255 000 teńge kóleminde aqshalaı qarajat, sonymen qatar satýǵa ázirlengen «sıntetıkalyq» esirtki tabyldy.

Tárkilengen esirtki dozalary boıynsha bólindi, nátıjesinde 90 ret qabyldaýǵa bolatyn doza anyqtalǵan. Kúdikti sıntetıkany elorda aýmaǵynda satpaq bolǵan.

Atalmysh fakti boıynsha qylmystyq is qozǵaldy. Kúdiktige QR Qylmystyq kodeksiniń 3-bólimi 297-baby «Esirtki nemese psıhotroptyq jáne sol tektesterdi zańsyz daıyndaý, qaıta óńdeý, alý, tasymaldaý nemese saqtaý» boıynsha aıyp taǵyldy. Ol 15 jylǵa deıin bas bostandyǵynan aıyryp, sonymen qatar aıyptynyń múlkin tárkileýdi qarastyrady.

Kúdikti Polıtsııa departamentiniń ýaqytsha ustaý ızolıatoryna qamaldy.