Nur-Sultanda Pfizer vaktsınasy neshe adamǵa salynady

NUR-SULTAN. QazAqparat – Nur-Sultan qalasynyń Qoǵamdyq densaýlyq saqtaý basqarmasy basshysynyń orynbasary Álııa Rústemova shahar boıynsha neshe bala, júkti jáne bala emizetin áıel Pfizer vaktsınasyn alatynyn atady, dep habarlaıdy QazAqparat tilshisi.

«Qalamyzda 12 jastan 18 jasqa deıingi 110 myń bala bar. Onyń ishinde 63 myńǵa jýyq bala vaktsınalaýǵa jatady. Júkti jáne bala emizetin áıelder shamamen 27 myń. Vaktsınatsııaǵa qarsy júktiliktiń aýyr ótýi, allergııalyq reaktsııa sııaqty kórsetilimder bar. Eger júkti áıelderdiń jaǵdaıy múmkindik bermese, túrde vaktsınalaý múmkin emes», - dep túsindirdi Álııa Rústemova.

Onyń aıtýynsha, Nur-Sultan qalasynda atalmysh ekpeniń 219 myń dozasyn 115 myń adamǵa salý josparlanǵan. Vaktsınanyń bir qutysy 6 dozaǵa, ıaǵnı 6 adamǵa eseptelgen.

Basqarma ókilderi bul qos komponentti emes, qarapaıym vaktsına ekenin eske saldy. Biraq eki kezeńge bólinedi, ıaǵnı olar 21 kún aralyǵymen eki ret salynady. Mamandar balalardy vaktsınalaý úshin ata-analardyń biriniń kelisimin de jetetinin aıtty.

«Daýn sındromy bar, tserebraldy sal aýrýy nemese basqa patologııalary bar balalardy vaktsınalaý týraly sheshim dál sol kezdegi balanyń jaǵdaıyna baılanysty qabyldanýy kerek. Eger balanyń jaǵdaıy aýyr bolsa, onda, árıne, qarsy kórsetilim degen sóz», - dedi Álııa Rústemova.

Baspasóz týry barysynda spıker vaktsına jatyrdaǵy uryqtyń damýyna áser etýi múmkin be degen suraqqa jaýap berdi.

«Vaktsına týylmaǵan balaǵa uryqqa áser etedi degen zertteý joq. Sondyqtan vaktsına qaýipsiz» - dedi maman.