Nur-Sultanda páter kezeginde turǵan adamdar arendalyq úıge ótinim bere alady

NUR-SULTAN. QazAqparat - Nur-Sultannyń turǵyn úı ortalyǵy halyqtyń áleýmettik osal toptaryna arnalǵan satyp alýǵa bolmaıtyn jalǵa beriletin turǵyn úıge qujat qabyldaıdy, dep habarlaıdy QazAqparat.

Halyqtyń áleýmettik jaǵynan osal toptaryna myna sanattar jatady:

- UOS ardagerleri

- jeńildikter boıynsha UOS ardagerlerine teńestirilgen ardagerler

- basqa memleketter aýmaǵyndaǵy urys qımyldarynyń ardagerleri

- 1 jáne 2 toptaǵy múgedekter

- múgedek balasy bar otbasylar

- keıbir sozylmaly aýrýdyń aýyr túrimen aýyratyn adamdar

- jasyna baılanysty zeınetkerler

- jetim balalar

- qandas

- ekologııalyq zilzala saldarynan turǵyn úıinen aıyrylǵan adamdar

- qyzmettik mindetterin atqarý kezinde qaza tapqan (qaıtys bolǵan) adamdardyń otbasylary

- tolyq emes otbasylar.

Páterlerdiń jalpy sany - 117.

Onyń ishinde jetim balalarǵa - 35:

- 9 bir bólmeli páter

- 19 eki bólmeli páter

- 7 úsh bólmeli páter.

Halyqtyń qalǵan áleýmettik osal toptary úshin:

- 20 bir bólmeli páter

- 46 eki bólmeli páter

- 16 úsh bólmeli páter.

Sonymen birge kópbalaly otbasylarǵa 124 páter qaralǵan, onyń ishinde:

- 18 tórt bólmeli páterler;
- 106 úsh bólmeli páterler;

Baspana túri: satyp alý quqyǵynsyz jalǵa beriletin turǵyn úı.

Úıdiń mekenjaıy: JK «Aqerke»; E-509 kóshesi, 7 úı; Tilendıev dańǵyly, 44a úı; Shaqauly kóshesi, 7 úı.

Aı saıynǵy jaldaý aqysy: 7 000 - 22 000 teńgege deıin.

Qujat qabyldaý 18 maýsym saǵat 9:00-de bastalyp, 24 maýsym saǵat 23:59-da aıaqtalady.

Qujattar tek elektrondy túrde qatysu.zhilfond.kz portaly arqyly qabyldanady.

Ótinim bergen adam halyqtyń áleýmettik osal toby nemese jetim bala sanaty boıynsha Nur-Sultan qalasynda turǵyn úı kezeginde turýy tıis.

«Іrikteý kezekke qoıylǵan kúnge sáıkes júrgiziledi jáne otbasynyń quramy eskeriledi. Ótinimdi 2006-2022 jyldary kezekke turǵandar bere alady, alaıda olardyń arasynda 2009-2010 jyldarda kezekke turǵandardyń múmkindigi kóbirek» deıdi basqarmadan.