Nur-Sultanda oıyn-saýyq oryndarynan aqsha bopsalaǵan monıtorıng tobynyń «ókili» ustaldy

NUR-SULTAN. QazAqparat – Ózin pandemııamen kúres jónindegi monıtorıng tobynyń ókili retinde tanystyryp, oıyn-saýyq oryndarynan aqsha bopsalaǵan kúdikti ustaldy, dep habarlaıdy QazAqparat tilshisi.

Bul týraly Sybaılas jemqorlyqqa qarsy is-qımyl agentiginiń Telegram kanalynda jarııalandy.

«Nur-Sultan qalasy boıynsha Sybaılas jemqorlyqqa qarsy qyzmet departamenti densaýlyq saqtaý mınıstrliginiń vedomstvolyq baǵynysty uıymynyń jaldamaly qyzmetkerin áshkereledi. Ol ózin monıtorıng tobynyń múshesi retinde tanystyryp, oıyn-saýyq oryndarynyń ıeleri men ákimshilerin olardyń karantın rejımin buzǵany úshin ákimshilik jaýapkershilikten bosatý múmkindigi men ókilettigi bar ekenin aıtyp, jańylystyrǵan», - dep jazylǵan resmı málimette.

Agenttiktiń málimeti boıynsha, kúdiktige sengen oıyn-saýyq oryndarynyń ókilderi aı saıyn kúdiktige jalpy qamqorlyǵy úshin jáne karantın rejımin buzý faktisi boıynsha ákimshilik jaýapkershilikten bas tartqany úshin aqshalaı qarajat tólegen.

«Bul iske ózge laýazymdy tulǵalardyń qatystylyǵy tekserilýde. Kúdikti qamaýǵa alyndy jáne sot onyń úsitnen «kúzetpen ustaý» túrindegi bultartpaý sanktsııasyn qabyldady», - dep jazady agenttiktiń Telegram-kanalynda.