Nur-Sultanda ótetin jármeńkege Aqmola oblysynan 435 tonna ónim ákelinedi

KÓKShETAÝ. QazAqparat - Qyrkúıektiń 26-27 kúnderi Nur-Sultan qalasynda Aqmola oblysy taýar óndirýshileriniń qatysýymen aýylsharýashylyq jármeńkesi ótedi, dep habarlaıdy QazAqparat tilshisi oblystyq ishki saıasat basqarmasyna silteme jasap.

«Han Shatyr» saýda jáne oıyn-saýyq ortalyǵynyń aldyndaǵy alańda ótetin jármeńkege jalpy quny 196,8 mıllıon teńge bolatyn 435 tonnaǵa jýyq ónim jetikiziledi.

Onyń ishinde 75 tonnadan astam et jáne et ónimderi, 330 myń dana jumyrtqa, 35 tonna sút jáne sút ónimderi, 40 tonnadan astam un, 143,2 tonna kartop, kókónis tárizdi ózge de ónimder bar.

Elorda turǵyndary men qonaqtary azyq-túlik taýarlarynyń 50-den astam túrin naryq baǵasynan 10-15 paıyz arzanǵa satyp ala alady.

Otandyq ónimderdi oblystyń eki qalasy men 17 aýdanyndaǵy 100-den astam kásiporyn usynady.