Nur-Sultanda múmkindigi shekteýli azamattarǵa múgedekter kúnine oraı bir rettik tólem tólenedi

NUR-SULTAN. QazAqparat - Elimizde qazannyń ekinshi jeksenbisi - múgedekter kúni. Osy dataǵa oraı astana ákimdigimen múmkindigi shekteýli azamattarǵa bir rettik tólem tólenedi, dep habarlaıdy elorda ákimdiginiń resmı saıty.

Nur-Sultan qalasynyń Jumyspen qamtý jáne áleýmettik qorǵaý basqarmasy elordada turatyn múmkindigi shekteýli azamattarǵa jáne erekshe qajettiligi bar 18 jasqa deıingi balalarǵa 2,5 AEK nemese 6313 teńge aýdarady.

Aıta keteıik, basqarma Halyq Bank (esep shot jáne kartalyq shot), Jýsan bank (esep shot jáne kartalyq shot), Qazposhta (esep shot jáne kartalyq shot), Sberbank (esep shot jáne kartalyq shot), ATF Bank, Alfa Bank jáne Forte bankpen qyzmet kórsetý týraly kelisim jasaǵan. Sondyqtan bir rettik tólemdi alýshy tulǵalar atalǵan bankterde shottary bolmasa, 20 sandyq shot ashý úshin bankke baryp, keıin ony Dostyq 13, «Nursaıa-2» TK mekenjaıy boıynsha ornalasqan Jumyspen qamtý jáne halyqty áleýmettik qorǵaý basqarmasyna ákelýi tıis. Tolyq aqparatty 55-68-22, 55-68-45, 87056450638, 87056450653, 87056450671, 87056450692 nómirleri boıynsha alýǵa bolady.