Nur-Sultanda múmkindigi shekteýli 30-ǵa jýyq adam jumysqa ornalasady

NUR-SULTAN. QazAqparat - Elordadaǵy múmkindigi shekteýli 100-den astam adam erekshe qajettilikteri bar jandarǵa arnalǵan bos jumys oryndar jármeńkesine qatysty, dep habarlaıdy QazAqparat ákimdiktiń resmı saıtyna silteme jasap.

Múmkindigi shekteýli azamattardy jumysqa ornalastyrýdy, olardyń áleýeti men múmkindikterin ashýǵa járdemdesýdi maqsat tutqan sharada 25 jumys berýshi ártúrli qyzmet túrleri boıynsha 60-tan astam bos jumys

ornyn usyndy.

«Jármeńkege múgedektigi bar 100-den astam adam qatysty. Olardyń árqaısysyna jumys izdeý, sondaı-aq kásibı ońaltý boıynsha aqparattyq jáne konsýltatsııalyq qyzmetter kórsetildi. Sonymen qatar, kelýshiler zeınetaqymen qamsyzdandyrý, kásiptik baǵdarlaý, psıhologııalyq, zań

jáne medıtsınalyq-áleýmettik qyzmetter máselelerimen keńester aldy. Bos oryndar jármeńkesi jumysynyń aldyn ala nátıjeleri 30-ǵa jýyq adamnyń áleýetti jumys berýshilerge qaıta áńgimelesýge, taǵy 5-eýi taǵylymdamaǵa shaqyrylǵanyn kórsetti», - delingen habarlamada.

Jármeńkege birinshi kelgen izdenýshilerge syılyqtar berildi.