Nur-Sultanda múgedek balalardy ońaltýǵa arnalǵan at sporty kesheni salynyp jatyr
23:37, 26 Shilde 2020
NUR-SULTAN. QazAqparat – Elordada ıppoterapııa ádisimen múgedek balalardy ońaltýǵa arnalǵan at sport kesheni salynýda. Bul týraly Nur-Sultan qalasy sáýlet, qala qurylysy jáne jer qatynastary basqarmasynyń QazAqparat redaktsııasynyń saýalyna jaýap berý barysynda belgili boldy.
«At sporty kesheni ıppoterapııa ádisi arqyly múgedek balalardy ońaltýǵa arnalǵan. Sondaı-aq, atalǵan nysanda respýblıkalyq jáne halyqaralyq deńgeıdegi sporttyq is-sharalardy ótkizý múmkindigi bolady. Jobaǵa sáıkes keshen jabyq manejdi degenmen ashyq báseke alańyn salý qarastyrylǵan. At sporty kesheniniń qurylysyn jyldyń sońyna deıin aıaqtaý josparlanýda», - delingen aqparatta.
Basqarma bergen málimetke súıensek, atalǵan qurylystyń jalpy kólemi 10106.59 sharshy metrdi quraıdy. Sonymen qatar keshen josparyna sáıkes erekshe kútimdi qajet etetin jandarǵa arnalǵan jabdyqtar men oryndar qarastyrylǵan. Jáne keshen trıbýnasynda 1 300-den astam oryn bar.