Nur-Sultanda mas jigitterdiń tóbelesi beınekameraǵa túsip qaldy

NUR-SULTAN. QazAqparat - Jedel basqarý ortalyǵy túngi ýaqytta Kenesary kóshesinde eki er adamnyń tóbelesin tirkegen, dep habarlaıdy QazAqparat Nur-Sultan qalasy polıtsııa departamentiniń baspasóz qyzmetine silteme jasap.

Janynan ótip bara jatqan avtomobılderge qaramastan, janjaldasqandar jolda tóbelesti.

Onyń biri taqtaıdy qolyna ala salyp, ekinshisin soqqyǵa jyqqan.

Oqıǵa ornyna kelgen patrýldik polıtsııa qyzmetkerleri qaqtyǵysqa qatysýshylardy ustady.

30 jáne 43 jastaǵy eki adamnyń ekeýi de mas bolǵan. Qoǵamdyq tártipti buzýshylar Baıqońyr aýdanynyń polıtsııa basqarmasyna jetkizildi.

Atalǵan fakti boıynsha QR QK 293-baby boıynsha qylmystyq is qozǵaldy, tergeý júrip jatyr.