Nur-Sultanda koronavırýspen aýyrǵandardyń negizgi úlesi 30-39 jasta

NUR-SULTAN. QazAqparat – Nur-Sultan qalasynyń bas memlekettik sanıtarlyq dárigeri Sarhat Beısenova koronavırýs ınfektsııasyn juqtyrǵan naýqastardyń jas mólsherin aıtyp berdi, dep habarlaıdy QazAqparat tilshisi.

«Burynǵydaı qala turǵyndary arasynda aýyrǵandardyń 24,7 paıyzyn, ıaǵnı negizgi úles 30-39 jastaǵy adamdar quraıdy, 50 jas jáne odan joǵary – 23,4 paıyz, 18-29 jas aralyǵyndarǵy jastarǵa – 18,4 paıyz, 40-44 jastaǵy adamdarǵa – 14,9 paıyz keledi. Balalar jalpy syrqattanýshylyq arasynda 15,9 paıyzdy quraıdy», - dedi spıker Nur-Sultan qalasynyń ákimdigi uıymdastyrǵan onlaın-brıfıngte.

Qadaǵalaý, baıqaý kezeńderinde sımptomdary bar naýqastar úlesiniń shamaly ósýi baıqaldy. Qańtar aıynda 65 paıyz bolsa, aqpan aıynda – 67 paıyzǵa ósti. Jas qurylymy boıynsha egde jastaǵy, 50 jáne odan joǵary adamdarda qańtarda 26 paıyz bolsa, aqpanda 28,7 paıyzǵa deıin ósken.

Aıta keteıik, Nur-Sultanda aqpan aıynyń basynan beri 2192 jaǵdaı tirkelgen.