Nur-Sultanda koronavırýs juqtyrǵan júkti áıel deni saý bala bosandy
17:53, 21 Sáýir 2020
NUR-SULTAN. QazAqparat - 21 sáýirdegi derekterge sáıkes, Nur-Sultan qalasynda 3-4 sáýirden beri statsıonarda emdelgen 17 patsıent koronavırýstan saýyqqan, dep habarlaıdy QazAqparat coronavirus2020.kz saıtyna silteme jasap.
Barlyq emdelýshiler KVI dıagnostıkasy men emdeýdiń klınıkalyq hattamasyna sáıkes tolyq em aldy.
Emdelip shyqqan azamattar eki apta úı karantıninde bolady.
21 sáýirde jazylyp shyqqandardyń qatarynda eki bala bar . Olar 2015 jylǵy er bala men 2018 jylǵy qyz bala.
Infektsııadan saýyqqan júkti áıel 17 sáýirde bosanyp, dúnıege qyz ákeldi. Sábıdiń saraptama nátıjesi - teris.