Nur-Sultanda koronavırýs boıynsha epıdahýal qandaı

NUR-SULTAN. QazAqparat – Nur-Sultan qalasynyń bas memlekettik sanıtarlyq dárigeri Sarhat Beısenova COVID-19 jaǵdaıy boıynsha elordadaǵy statıstıkany baıandady, dep habarlaıdy QazAqparat tilshisi.

«Elordada júrgizilip jatqan is-sharalar arqasynda COVID-19 syrqattaný deńgeıiniń tómendeýi baıqalady. Syrqattanýdyń tómendeý qarqyny baıaý ósip kele jatqanyn jáne sońǵy úsh aptada orta eseppen aptasyna 10%-dan 19%-ǵa deıin tómendegenin atap ótkim keledi. Biraq qazir SOVID-19 indeti boıynsha naqty tirkelgen jaǵdaılar qolaısyz epıdemıologııalyq jaǵdaıdy kórsetýde jáne qala «qyzyl» aımaqta qala beredi. Kúnine 70-ten 200-ge deıin SOVID-19 oqıǵasy tirkeledi», - dedi S. Beısenova elorda ákimdiginde ótken baspasóz máslıhatynda.

Onyń aıtýynsha, jyl basynan beri elordada syrqattanǵandar sany 38 myńnan asty, pandemııa bastalǵannan beri 57 168 jaǵdaı tirkeldi (onyń ishinde 38 540 - sımptomdyq jáne 18 628 -sımptomsyz).

«Mamyr aıynyń basymen salystyrǵanda 100 myń turǵynǵa shaqqandaǵy aptalyq syrqattaný kórsetkishi 210-nan 110-ǵa deıin tómendedi. Bir aptada SOVID-19 boıynsha 1315 jaǵdaı tirkeldi, syrqattaný kórsetkishi aldyńǵy aptadan 18%-ǵa tómen (aldyńǵy aptada – 1617 jaǵdaı), 100 myń turǵynǵa shaqqandaǵy qarqyndy kórsetkish-110,7 qurady. Reprodýktıvti sany-0,88», - deıdi elordanyń bas sanıtary.

Sońǵy táýlikte 203 bastapqy jaǵdaı tirkelgen (sımptomdary bar 150 jaǵdaı, sımptomsyz 53 jaǵdaı). Qazirgi ýaqytta qalada ınfektsııanyń belsendi 1551oshaǵy bar. Medıtsınalyq baqylaýda baılanysta bolǵan 4 116 adam bar.