Nur-Sultanda koronavırýs boıynsha ahýal qandaı

NUR-SULTAN. QazAqparat – Nur-Sultan qalasynda koronavırýsqa shaldyqqan 11 adam reanımatsııada jatyr. Bul týraly Qoǵamdyq densaýlyq saqtaý basqarmasynyń basshysy Tımýr Muratov aıtty, dep habarlaıdy QazAqparat ákimdik saıtyna silteme jasap.

T.Muratovtyń málimetinshe, bıylǵy 22 maýsymnan beri koronavırýs ınfektsııasynyń taralýy órshidi.

«145 adam ınfektsııalyq statsıonarlarda jatyr. Tósek oryndarynyń júktelýi 36,8% quraıdy. Reanımatsııa bólimshesinde 11 patsıent em alýda, onyń ishinde IVL apparatynda – 0, júktemeligi - 21,5%. Sońǵy úsh aptada ortasha eseppen táýligine 100 jaǵdaı tirkelip, 12 adam aýrýhanaǵa jatqyzylady», - dedi ol.

Basqarmanyń basshysy barlyq sanıtarlyq normalardy saqtaýǵa, vaktsına alýǵa jáne revaktsınatsııadan ótýge shaqyrdy.

Qazirgi ýaqytta elordada 7 ınfektsııalyq statsıonar jumys isteıdi, olardaǵy tósek-oryn qory – 394, onyń ishinde KVI emdeýge arnalǵan 51 reanımatsııalyq tósek-oryn jabdyǵy bar.

Aıta keteıik, QR Prezıdenti Qasym-Jomart Toqaev Úkimettiń keńeıtilgen otyrysynda elimizde koronavırýsqa qatysty ahýal kúrdelene túskenin aıtty.

QR Densaýlyq saqtaý mınıstri Ajar Ǵınııattyń málimetinshe, vırýs kóp taralyp jatqan Almaty men Shymkent qalalary qatarynda Nur-Sultan da bar.

Ótken bir táýlikte koronavırýs 1470 adamnan anyqtalsa, eń kóp naýqas Almaty (494) jáne Nur-Sultanda (423) tirkeldi. Degenmen, elorda ózge barlyq óńirmen birge epıdemıologııalyq ahýaldy baǵalaý matrıtsasynda «jasyl» aımaqta ornalasqan.