Nur-Sultanda kommýnaldyq qyzmetter tarıfi qanshalyqty qymbattady
Qazirgi ýaqytta bul departament 70 tabıǵı monopolııa sýbektisiniń qyzmetin retteıdi. Onyń ishinde «Astana-Teplotranzıt», «Astana sý arnasy», «Astana-REK», «Astanaenergosbyt» syndy negizgi sýbektiler bar.
«2015 jyly negizgi sýbektiler úshin jyl saıyn ósip otyratyn shekti tarıfter bekitildi. 2019 jyldyń 1 qańtarynan bastap, bazalyq sýbektiler Nur-Sultan qalasynyń turǵyndary úshin kommýnaldyq qyzmet tarıfterin orta eseppen 10%-ǵa tómendetti. Alaıda barlyq bazalyq sýbektiler úshin jyl saıynǵy ósim qarastyrylǵan. Tabıǵı monopolııalar sýbektileri jergilikti atqarý organdarymen birlesip, 2020 jyldyń 1 qańtarynan bastap, mundaı ósiıge jol bermeý týraly sheshim qabyldady», - dedi spıker elorda ákimdiginde 2020 jylǵy kommýnaldyq qyzmetter tarıfterin baqylaý jáne retteý týraly baspasóz máslıhatynda.
Onyń aıtýynsha, jylýmen qamtamasyz etý tarıfi «Astana Energııa» AQ-nyń jylý energııasy óndirisinen jáne «Astanaenergosbyt» pen Teplotranzıt»AQ-na jylý energııasyn berý jáne taratý qyzmetterinen quralady.
«2015 jyly tarıfterdi jyl saıyn arttyryp otyrý kózdelgen edi, onyń ishinde 2020 jyl da bar. Jylýmen qamtý tarıfy QQS sanamaǵanda, bir Gkal úshin orta eseppen 3271 teńge bolýy tıis edi. Biraq, biz ony 2920 teńgege deıin túsirdik.2019 jylmen salystyrǵanda, munda 7,8% ósim baıqalady. Sonymen birge, halyq úshin biz eń tómengi 5% júktemeni qoıdyq, basqa tutynýshylar úshin - 10%», - dep túsindirdi ol.
Sýmen qamtý boıynsha tarıf bıyl 44 teńge 81 tıynnyń ornyna, 40 teńge 79 tıyndy quraǵan. Mundaǵy ósim - 2019 jylmen salystyrǵanda 10 paıyz. Sýdy aǵyzý boıynsha jeke tulǵalar tarıfy 1 qańtardan bastap, 34 teńge 86 tıyn boldy.
Spıkerdiń aıtýynsha, ótken jyly elektrmen qamtý tarıfy 10 teńge 33 tıyn bolsa, bıyl - 11 teńge 36 tıynǵa kóterilgen. Zańǵa sáıkes, bul shekti tarıfter 5 jyldyq kezeńge belgilenedi.