Nur-Sultanda kómir qanshadan satylyp jatyr

NUR-SULTAN. QazAqparat – QR Indýstrııa jáne ınfraqurylymdyq damý vıtse-mınıstri Qaıyrbek Óskenbaev kómir baǵasyn qadaǵalaý jóninde aıtyp berdi, dep habarlaıdy QazAqparat tilshisi.

«2019-2020 jyldary kómirge kommýnaldyq-turmystyq qajettilik 10,4 mln tonna boldy. Ázirge onyń 47% nemese 4,9 mln tonnasy daıyn. Ótken jylmen salystyrǵanda, bıyl kómir qymbattamaıdy. Biz ony baqylaýda ustap otyrmyz. Onyń baǵasyn apta saıyn Úkimetke jiberip otyramyz», - dedi vıtse-mınıstr Ortalyq kommýnıkatsııalar qyzmetinde ótken baspasóz máslıhatynda.

Onyń aıtýynsha, ázirge Nur-Sultan qalasynda Shubarkól kómiriniń tonnasy – 11 400 teńge, Ekibastuz – 9 500 teńge, Qarajyra – 11 200 - 13 200 teńge aralyǵynda, Maıkóben kómiri – 12 500 teńgeden satylýda.

«Eger kómir sapa talaptaryna saı kelmese, ákimdikke júginýge quqyǵyńyz bar. Munymen sapa standarttaryn bekitetin ónerkásip komıteti jáne tehnıkalyq retteý komıteti komıteti aınalysady. Sonymen birge, kómir sapasy jóninde telefon arqyly habarlasatyn qoldaý qyzmetin qurý josparlanyp otyr», - dedi Q. Óskenbaev.