Nur-Sultanda qaıyrymdylyq baly ótip jatyr
Elordadaǵy jyldy qorytyndylaıtyn dástúrli qaıyrymdylyq baly bıyl halyqaralyq deńgeıge kóterildi. Oǵan Reseı, Qytaı, Nıgerııa, Tájikstan, Ózbekstan, Qyrǵyzstan, Ýkraına, Indonezııa, Venesýela jáne óz elimizdiń debıýtanttary qatysyp jatyr.
«Bıyl memleket tarapynan jastarǵa úlken deńgeıde kóńil bólindi. Olardyń bilim alýyna, jumys isteýine, ózin damytýyna arnalǵan jobalar júzege asyrylýda. Ákimdiktiń uıytqy bolýymen Jastar jylynyń jol kartasy boıynsha 136 joba aıasynda 600-den astam is-sharalar ótkizildi. Búgingi bal Nur-Sultan qalasy jastarynyń barsha sanattaryn bir áýen, bir ıdeıa aıasyna jınaıtyn, jastarymyz asyǵa kútetin jyldyń qorytyndy sharalarynyń biri. Bıylǵy bal álemniń 9 memleketiniń belsendi jastarynyń qatysýymen halyqaralyq deńgeıde uıymdastyrylyp otyr», - dedi Nur-Sultan qalasy ákiminiń orynbasary Baqtııar Máken.
Uıymdastyrýshylardyń málimdeýinshe, aıtýly keshte kópshilik nazaryna bıdiń birneshe túri usynylatyn bolady. Shara aıasynda bal qatysýshylary 1 aı kóleminde qaıyrymdylyq isimen aınalysty.
«Qatysýshylardyń arasynda ártúrli sala mamandary bar. ıAǵnı dárigerler, muǵalimder men memlekettik qyzmetkerler, jýrnalıstter men rejısserlar, óndiris salasynyń qyzmetkerleri jáne taǵy basqalar. Olar bir aı kóleminde túrli qaıyrymydylyq jumystarymen aınalysty. Atap aıtqanda qarttar úıi men balalar úıinde ádemi rýhanı kesh uıymdastyryldy. Sondaı-aq, «Júrekten júrekke» aktsııasy aıasynda áleýmettik jaǵdaıy tómen 100 otbasyǵa materıaldyq kómek kórsetti», - dedi qalalyq qoǵamdyq damý isteri basqarmasy jastarmen jumys bóliminiń basshysy Baqytjan Júnisbekov.