Nur-Sultanda karantın talaptaryn buzǵan taǵy 8 mekeme ákimshilik jaýapqa tartyldy

NUR-SULTAN. QazAqparat - Elordanyń monıtorıngtik toptary kúnine qalanyń 100-den astam kásipkerlik nysanyn tekseredi, onyń barysynda ondaǵan mekemede karantın rejımi buzylǵany anyqtalady.

Ótken táýlikte, ıaǵnı 1 qyrkúıekte 8 mekemede shekteý talaptary saqtalǵan joq, dep habarlaıdy QazAqparat Nur-Sultan ákimdiginiń resmı saıtyna silteme jasap.

Esil aýdanynda karantın buzýshylar tizimine úsh qoǵamdyq tamaqtaný orny kirdi: «Opus One» kafesi, «Mıata» laýndj-bary, «Teqila» bary.

Saryarqa aýdanynda ornalasqan «Berlın» jáne «Na mangale» kafelerinde karantın talaptary saqtalǵan joq. Osyǵan uqsas buzýshylyq Baıqońyr aýdanyndaǵy «Respawn» kompıýterlik klýbynda da tirkeldi.

Almaty aýdanynda belgilengen jumys rejımin «Shampýrok» kafesi men «Mıata» bary elemedi.

Tártip buzýshylarǵa qatysty jınalǵan materıaldar ákimshilik sharalar qabyldaý úshin sanıtarııalyq-epıdemıologııalyq baqylaý salasyndaǵy tıisti ýákiletti organdarǵa tapsyryldy.

Aıta ketý kerek, elordadaǵy epıdemıologııalyq ahýal turaqsyz. Kún saıyn KVI juqtyrǵan jańa naýqastar anyqtalady. Osyǵan baılanysty qala turǵyndary men qonaqtary, sondaı-aq Nur-Sultan qalasynyń kásipkerlik nysandary sanıtarlyq normalar men karantın talaptaryn qatań saqtaýy kerek.