Nur-Sultanda Qanysh Sátbaev pen Mahatma Gandıge eskertkish ornatylady

NUR-SULTAN. QazAqparat - Elordada akademık, geolog jáne qoǵam qaıratkeri Qanysh Sátbaev pen Úndistandy brıtandyq otarlaýdan azat etý ulttyq qozǵalysynyń kóshbasshysyna aınalǵan, kezinde Mahatma Gandı esimimen tanymal bolǵan Mohandasa Karamchandy Gandıdiń qurmetine eskertkish ornatylady, dep habarlaıdy QazAqparat tilshisi.

Bul týraly Nur-Sultan qalasy Sáýlet, qala qurylysy jáne jer qatynastary basqarmasynyń basshysy Nurlan Ýranhaev málim etti.

«Elordada jańa eskertkishter ornatý josparda bar. Aıtar bolsaq, Qanysh Sátbaevqa, Mahatma Gandıge eskertkish qoıamyz. Búginde olardy ornatatyn oryn izdestirilip jatyr. Nege anyqtalýda? Óıtkeni eskertkishti kez kelgen jerge qoıa almaımyz. Sondyqtan eskertkish qoıýǵa bolatyn jerler tańdap alynady. Mysaly, Qanysh Sátbaevtyń eskertkishi Qajymuqan men Sátbaev kósheleriniń qıylysyna ornatylsa, yńǵaıly bolar edi», - dedi N. Ýranhaev OKQ-de ótken baspasóz máslıhatynan soń tilshilerdiń suraqtaryna jaýap bere otyryp.

Buǵan deıin atalǵan basqarma basshysy bıyl elordada 54 skver salynatynyn málim etken bolatyn.