Nur-Sultanda eńbek ujymdaryn COVID-19-ǵa qarsy jappaı vaktsınatsııalaý júrip jatyr
KVI vaktsınasyn alýǵa ártúrli kásiporyndardyń eńbek ujymdary nıet bildirdi. Olardyń arasynda «Astana-AEK» AQ, Eýrazııa ulttyq ýnıversıteti, «Astana Balet» teatry, «Nur-Álem» pavılonynyń qyzmetkerleri, qurylys kompanııalary, SOO, memlekettik organdar jáne t.b. bar.
«Qazir óz qyzmetkerlerin koronavırýstyq ınfektsııaǵa qarsy vaktsınatsııalaǵysy keletin ujymdar jıi júgine bastady. Nıet bildirýshilerdiń tizimine sáıkes sol jerde vaktsınatsııa júrgizý úshin MSAK uıymdarynyń kóshpeli brıgadalaryn jiberemiz. Menshik ıeleriniń aýmaǵynda barlyq sanıtarlyq normalardy saqtaı otyryp egý pýnktteri uıymdastyrylǵan», — deıdi qalalyq qoǵamdyq densaýlyq saqtaý basqarmasy basshysynyń orynbasary Álııa Rústemova.
Onyń aıtýynsha, ártúrli kásiporyndarda COVID-19 vaktsınasyn alǵysy keletinderdiń sany 1000 adamǵa jetedi.
«Astana-AEK» AQ qyzmetkerleri vaktsınatsııa COVID-19-ǵa qarsy turýdyń basty tásili ekenin atap ótti.
«Ujymdy vaktsınatsııamen qamtý úshin kásiporynda egý pýnkti uıymdastyryldy. Ony ótkizý úshin bizge №5 qalalyq emhananyń medpersonaly keldi. Paıdalaný senimdiligi jáne qaýipsizdik tehnıkasy qyzmeti jeke kabınet uıymdastyryp, turǵyndardyń bir orynǵa jıylyp qalýyna jol bermeý úshin qatań qabyldaý kestesin ázirledi», — dep atap ótti «Astana-AEK» AQ.
«Elorda ákimi Altaı Kólginovtiń tapsyrmasy boıynsha halyqty vaktsınatsııamen keńinen qamtý úshin egý pýnktteriniń jumys kestesi tańǵy saǵat 8-den 12-ge deıin, «Mega Silk Way« SOO-da tańǵy saǵat 10-nan 22-ge deıin uzartyldy.
Onyń aıtýynsha, 1-den 3-ke deıin kóshpeli brıgadalardyń sany da qalyptasýda.
Jalpy, qalada KVI-ǵa qarsy vaktsınany 40 myńnan astam adam qabyldady.