Nur-Sultanda elimizdiń Ánurany jappaı oryndaldy
16:24, 04 Maýsym 2019
NUR-SULTAN. QazAqparat - Elorda ákimdiginiń aldyndaǵy alańda Qazaqstan Respýblıkasynyń Memlekettik ánurany jappaı oryndaldy. Elimizdiń Memlekettik rámizder kúni merekesine oraı ótken is-sharaǵa shamamen 600-ge jýyq adam qatysty, dep habarlaıdy qala ákimdiginiń resmı saıty.
Elimizdiń Memlekettik rámizderi kúni Qazaqstanda 4 maýsym kúni atap ótiledi. Іs-sharaǵa Memlekettik eltańbanyń avtory Jandarbek Málibekov, elorda ákiminiń orynbasary Erlan Kanalımov, shyǵarmashylyq zııaly qaýym ókilderi, qoǵamdyq uıymdar jáne qala turǵyndary qatysty.
Óz kezeginde Jandarbek Málibekov táýelsiz memlekettiń ajyramas atrıbýttary retinde Memlekettik rámizderdi saqtaý men uqypty qaraýdyń mańyzdylyǵyn atap ótti.