Nur-Sultanda ekologııalyq aktsııa ótedi

NUR-SULTAN. QazAqparat - 27 shildede Nur-Sultanda #Birge #TazaQazaqstan qalalyq ekologııalyq aktsııasy ótedi. Aktsııa aıasynda áýejaıdan Qaraǵandy tasjolyna deıingi aınalma jol boıyndaǵy Esil jáne Qarasý ózenderiniń jaǵalaýy tazalanady, dep habarlaıdy QazAqparat qala ákiminiń resmı saıtyna silteme jasap.

Osyǵan oraı, qala ákimdigi elorda turǵyndaryn, eriktilerdi, qoǵam qaıratkerlerin, ekologııalyq belsendilerdi jáne barlyq múddeli adamdardy ekologııalyq aktsııaǵa qatysýǵa shaqyrady. Qatysýshylardy jınaý jáne avtobýstarǵa otyrǵyzý 9.00-de, B.Momyshuly dańǵyly 1, «Astana Music Hall» meıramhanasynyń turaǵynda ótedi.

Aktsııanyń bastalýy - saǵat 10.00-de.

Uıymdastyrýshylardyń aıtýynsha aktsııaǵa 1000-nan astam adam qatysady, olardyń arasynda «ROP» JShS, Qazaqstannyń ekologııalyq uıymdarynyń qaýymdastyǵy, BUUDB, «Jas Otan» eriktileri, Nur-Sultan qalasy ákimdiginiń barlyq basqarmalarynyń qyzmetkerleri, sondaı-aq jastar uıymdary ókilderi bar.

Esterińizge sala keteıik, 20 shilde kúni Qazaqstan Respýblıkasy Ekologııa, geologııa jáne tabıǵı resýrstar mınıstrliginiń qoldaýymen Nur-Sultan qalasynda qoqys jınaýǵa arnalǵan ekologııalyq aktsııa ótti. Nur-Sultan qalasy mańyndaǵy Qoıandy sý qoımasynda ótken #Birge #TazaQazaqstan ekologııalyq aktsııasy 1200-den astam adamdy qamtydy. Onyń aıasynda 10 tonnadan astam qoqys jınaldy.

Elordanyń sý qoımalarynyń aınalasyn tazartý jónindegi ekologııalyq naýqan memlekettik organdardyń, qoǵamdyq uıymdar, eriktiler, elorda turǵyndarynyń jáne búkil Qazaqstannyń qoldaýyna ıe boldy.

Nur-Sultan qalasynyń ákimdigi ekologııa, geologııa jáne tabıǵı resýrstar mınıstrligimen elordanyń aınalasyndaǵy sý nysandaryn tazartýdyń asyl mıssııasyn jalǵastyrý úshin ekologııalyq estafeta aldy jáne 2019 jyldyń 27 shildesinde ekologııalyq tazartý formatynda aktsııa ótkizedi.