Nur-Sultanda tsıfrlandyrýdyń jańa baǵdarlamasy ázirlenip jatyr
Nur-Sultan qalalyq máslıhatynyń otyrysynda depýtat Aıtjan Ábdirov elordada júzege asyp jatqan tsıfrlandyrý baǵdarlamasynyń oryndalýyn synǵa aldy.
«Osyǵan deıin tsıfrlandyrý jumysy boıynsha jalpy baǵdarlamany suraǵan bolatynmyn. Aqparat keldi, biraq tek bıýdjetke qatysty. Endi qarap otyrsaq, tsıfrlandyrý ol tek beınebaqylaý kameralaryn ornatý ǵana sııaqty. Bul durys emes. Aldaǵy 3 jylda 16 mlrd teńge qarjy bólinip otyr. Onyń qaıda, qalaı jumsalatyny maǵan túsiniksiz. Tsıfrlandyrý degenimiz - tek kamera ornatý emes. Ol degenimiz - úzdik tehnologııalar, tsıfrlandyrýdyń kómegimen qaladaǵy keptelis máselesin de sheshýge bolady. Menińshe, aýdandyq ákimdikterde tsıfrlandyrý týraly baǵdarlama joq sekildi», - dedi depatat.
Halyq qalaýlysynyń synyna qatysty Nur-Sultan qalasynyń tsıfrlandyrý jáne memlekettik qyzmet basqarmasynyń basshysy Botagóz Qasabek pikir bildirdi.
«Bizde qala tirshiligi men qyzmetterdi tsıfrlandyrýǵa qatysty baǵdarlama bar. Taıaýdaǵy qalalyq máslıhattyń usynysyna sáıkes elordany tsıfrlandyrýdyń jańa baǵdarlamasy ázirlenip jatyr. Tsıfrlandyrý baǵdarlamasy barlyq salany qamtıdy. Jáne ony 1 aıdan soń sizderge tanystyramyz», - dep jaýap berdi basqarma basshysy qoıylǵan saýalǵa.
Buǵan deıin elordada «Sergek» kamerasynyń artatynyn habarlaǵan edik.