Nur-Sultanda bıýdjet qarajatyn ıgermegen 15 laýazymdy tulǵa jaýapqa tartyldy
Búgin Nur-Sultan qalalyq máslıhattyń kezekti otyrysynda 2021 jylǵy qalalyq bıýdjettiń ıgerilý máselesi kóterildi.
«Ótken jyly qalalyq bıýdjetke 720 mlrd 378 mln teńge qarjy tústi. Osylaısha jospar 43 mlrd 156 mln teńgege artyǵymen oryndaldy. Onyń ishinde jeke tabys 496 mlrd 264 mln teńgeni quraıdy. Sonymen qatar 2021 jyly salyqtan 455 mlrd 273 mln teńge qarjy tústi. Bıýdjet shyǵysyna kelsek ótken jyldyń qorytyndysy boıynsha 699 mlrd 900 mln teńgeni qurady», - dedi Nur-Sultan qalasy qarjy basqarmasynyń basshysy Álibı Jumaev máslıhat otyrysynda jasaǵan baıandamasynda.
Basqarma basshysy bergen aqparatqa sáıkes ótken jyly elorda bıýdjetin ıgerý kórsetkishi 97,2 paıyzdy quraıdy.
«Bıýdjet qarjysyn ýaqytyly ıgermegen organdarǵa kelsek. Ótken jyly qurylys basqarmasy qarjynyń 53,8 paıyzyn ıgermegen, otyn-energetıka kesheni jáne kommýnaldyq sharýashylyq basqarmasy - 38,4 paıyz, bilim basqarmasy - 1,5 paıyz, polıtsıııa departamenti - 1,4 paıyz, sol sııaqty dene shynyqtyrý jáne sport basqarmasy - 1,2 paıyzǵa qarjyny meńgermeı otyr. 2021 jyldyń qorytyndysy boıynsha bıýdjet qarajaty ýaqytyly ıgerilmegeni úshin 15 laýazymdy tulǵa jaýapkershilikke tartyldy», - deıdi ol.