Nur-Sultanda birneshe márte para alǵan sheneýnik 26 mln teńge aıyppul tóleıdi
Nur-Sultan qalalyq sybaılas jemqorlyqqa qarsy is-qımyl agenttiginiń Indýstrııa jáne ınfraqurylymdyq damý mınıstrligi atyna QR Qylmystyq is júrgizý kodeksiniń 200 babyna sáıkes jibergen usynysyna sáıkes, QR IIDM jaýapty hatshysynyń buıryǵymen 1 maýsymda Kóliktik baqylaý ınspektsııasynyń basshysy Meıram Qońyrqazov ınspektsııanyń bas mamany laýazymyna deıin tómendetildi. Memlekettik qyzmet týraly zańnamaǵa engizilgen ózgertýlerge sáıkes, qaramaǵandaǵy qyzmetkeri jemqorlyq qylmys jasaǵan kezde vedomstvonyń basshysy jaýapkershilikke tartylýy tıis.
«Buǵan deıin Nur-Sultan qalalyq sybaılas jemqorlyqqa qarsy qyzmet ınspektsııanyń avtomobıl kóligindegi baqylaý bólimi bas mamany Samat Aıdarkenovke qatysty iri gabarıtti tasymal sýbektilerinen jalpy qamqorlyǵy jáne quqyq buzýshylyqtar anyqtalǵan jaǵdaıda ákimshilik jaýapkershilikke tartpaý úshin birneshe ret para alýǵa qatysty qylmystyq isti aıaqtaǵan bolatyn», - dedi Jazıra Jylqyshıeva.
Onyń atap ótýinshe, sot barysynda Samat Aıdarkenov birneshe márte para alǵanyn tolyq moıyndap, oǵan 26 mln 250 myń teńge kóleminde aıyppul salynǵan.
Sonymen qatar ol memlekettik qyzmette laýazym atqarý quqyǵynan aıyrylǵan.