Nur-Sultanda azyq-túlik qory jetkilikti - ákimdik
«Karantın rejımi engizilgeli jarty aıdaı ýaqyt ótti. Qalaǵa azyq-túlik taýarlary úzdiksiz jetkizilýde. Júk tasymaly úshin kireberisterde «jasyl dáliz« jasaqtalǵan. Karantın engizilgen sátten bastap qalaǵa jalpy kólemi 40 myń tonnaǵa jýyqty quraıtyn 3 800 júk kóligi kirdi. Onyń ishinde azyq-túlik kólemi 14 315 tonnany quraıdy. Bul saýda jelileri men bazarlardyń qazirgi kólemine sáıkes keledi. Búginde qalada azyq-túlik qory jetkilikti. Qalada «A» sanatty 5 iri qoıma jáne 7 kókónis qoımasy bar. Olardyń barlyǵynda azyq-túlik qory jetkilikti. Keshe Memleket basshysymen sol qoımalardyń birinde boldyq. Taýar tapshylyǵy baıqalmaıdy», - dedi ol.
Erlan Bekmyrzaevtyń atap ótýinshe, 19 pozıtsııadaǵy áleýmettik mańyzy bar azyq-túlik 30 myń tonna kóleminde bar. Onyń 25 myń tonnasy qoımalar men kókónis qoımalarynda saqtalǵan, qalǵan 5 myń tonnasy qalanyń turaqtandyrý qoryna túsken.
«Qala ákimdigi rezervterdi toltyrý boıynsha birqatar sharalar qabyldanýda. Birinshiden, biz óńirlermen jemis-kókónis tobyna, et jáne azyq-túlik ónimderine belgilengen baǵamen «forvardtyq kelisimshart» jasaýdy pysyqtaýdamyz. Ol: Túrkistan, Jambyl, Aqmola jáne Pavlodar oblystary. Ekinshiden, «Aınalym tizbesi» boıynsha kúrish, qaraqumyq jáne kókónis tobyna belgilengen baǵamen satylatyn shartymen iri bólshek saýda jelilerimen jeńildetilgen nesıe týraly kelisimderge qol qoıyldy. Qosymsha jergilikti bıýdjetten 1,5 mlrd teńgedeı aqsha bólindi. Sonymen qatar áleýmettik mańyzy bar azyq-túlik baǵasyn bekitý úshin jeńildetilgen nesıe baǵyttalǵan», - dedi basqarma basshysy.