Nur-Sultanda azyq-túlik baǵasyn negizsiz kóterý faktileri anyqtalyp jatyr

NUR-SULTAN. QazAqparat – Nur-Sultanda azyq-túlik baǵasyn negizsiz kóterý faktileri anyqtalyp jatyr. Bul týraly Ortalyq kommýnıkatsııalar qyzmetindegi brıfıngide Nur-Sultan qalalyq ınvestıtsııalar jáne kásipkerlikti damytý basqarmasynyń basshysy Erlan Bekmyrzaev aıtty, dep habarlaıdy QazAqparat tilshisi.

«Áleýmettik mańyzy bar azyq-túlik túrleriniń iri saýda jelilerindegi, bazarlardaǵy baǵasyna kúndelikti monıtorıng júrgizilip jatyr. Qazirgi ýaqytta azyq-túlik baǵasyn negizsiz kóterýdiń kóptegen faktileri anyqtalýda. Barlyq aqparattar monopolııaǵa qarsy organǵa zań buzýshylardyń ústinen qatań shara qabyldaný úshin jiberilýde», - dedi basqarma basshysy.

Onyń atap ótýinshe, áleýmettik mańyzy bar taýalarlardyń baǵasy kóterilmeýi tıis. Bul el Prezıdentiniń tapsyrmasy.

«Sondyqtar barlyǵyn alańdamaýǵa shaqyramyn. Sebebi qajetti qor bar. Biz barlyq qoımalardy qarap shyqtyq, óńirlerdiń bárimen elordaǵa tikeleı taýar jiberý jóninde ýaǵdalastyq. Azyq-túlik taýarlarynyń qalaǵa kirgizilýine esh kedergi bolmaıdy», - dedi Erlan Bekmyrzaev.