Nur-Sultanda Abaı týraly kitaptyń tanystyrylymy ótti

NUR-SULTAN. QazAqparat – Elordada qazaq aqyny jáne oıshyly Abaı Qunanbaev týraly «Abaıdyń ulylyǵy nemese XXI ǵasyrda oıshyldyń portretin jasaýǵa talpynys» kitabynyń tusaýkeseri ótti. QazAqparat bul týraly qala ákimdiginiń resmı saıtyna silteme jasap habarlaıdy.

Kitaptyń avtory ázerbaıjan tarıhshysy, saıasattanýshy, Ázerbaıjan SVS telearnasynyń «Syrtqy ister aspektileri» baǵdarlamasynyń júrgizýshisi, Ázerbaıjan memlekettik komıtetiniń dıasporalarmen jumys jónindegi sarapshysy Teımýr Ataev.

Tarıhnamada alǵash ret Abaıdyń máńgi óshpes oılaryn Quran aıattarymen salystyrýǵa talpynys jasalǵan. Oıshyl ıdeıalaryn tolyq túsiný úshin avtor qazaq tarıhynyń mańyzdy betterine jáne aqyn ómirbaıanynyń mańyzdy epızodtaryna júginedi. Onyń pikirinshe, bul Abaıdyń barlyq ýaqytta da ózekti bolyp tabylatyn óleń joldaryn tereńirek túsinýge múmkindik beredi.

Dostyq úıinde ótken is-shara Ázerbaıjan Respýblıkasynyń elshiligimen birlesip uıymdastyryldy. T.Ataev óz sózinde Qazaqstan halqy Assambleıasy – el saıasatyn júzege asyrý úshin qurylǵan álemde teńdesi joq qoǵamdyq ınstıtýt ekenin atap ótti.

Al Nur-Sultan qalasy Іshki saıasat basqarmasynyń basshysy Dáýren Babamuratov qonaqtarǵa etnosaralyq kelisimniń qazaqstandyq úlgisi týraly aıtyp berdi.

Sharaǵa qatysýshylar etnomádenı birlestikterdiń kabınetterinde bolyp, etnostardyń kópǵasyrlyq tarıhymen jáne mádenıetimen tanysty.