Nur-Sultanda 170-ten astam kóshe jóndeldi

NUR-SULTAN. QazAqparat – 2020 jyly elordada 173 kóshe jóndelip, asfalt tóseldi. Bul týraly búgin qala turǵyndarymen esep berý kezdesýinde elorda ákimi Altaı Kólginov aıtty, dep habarlaıdy QazAqparat tilshisi.

Qala ákiminiń aıtýynsha, asfalt tóselýi jáne jóndelýi tıis joldar birneshe sanat boıynsha tańdaldy. Atap aıtqanda, buryn asfalt bolmaǵan joldar; jańa avtobýs baǵdarlary iske qosylatyn kósheler; kólik kóp júretin joldar men áleýmettik nysandarǵa aparatyn joldar iriktep alyndy.

«Jalpy alǵanda, 173 kóshege asfalt tósedik, olardyń 100-den astamy turǵyn alaptarynda ornalasqan. Bul jumystardy bıyl da jalǵastyramyz. Turǵyn alaptary men qalanyń eski bóligine basymdyq beriledi», - dedi Altaı Kólginov.

Onyń atap ótýinshe, jol jumystaryn júrgizýge «Jumyspen qamtýdyń jol kartasy» baǵdarlamasy birshama kómektesti. Ol boıynsha 15 myńnan astam jumys orny ashyldy. Birinshi kezekte qalalyqtar Jumyspen qamtý ortalyǵy arqyly jumysqa ornalastyryldy. Sondaı-aq, buryn jaryǵy joq kóshelerge jaryq qosyldy. Buǵan qosa, eski shamdar zamanaýı energııa únemdeıtin jaryqdıodty shamdarǵa almastyryldy.