«Nur-Sultan-Tokıo» áýe reısine bıletter satyla bastady
«QR Tuńǵysh Prezıdentiniń tapsyrmasyn oryndaý maqsatyndaAzamattyq avıatsııa komıteti «Nur-Sultan-Tokıo-Nur-Sultan» baǵytynda tikeleı turaqty jolaýshylar reısin ashý boıynsha jumystar júrgizildi. 2019 jyldyń 6 shildesinen bastap osy baǵyt boıynsha ushýlardy SCAT áýe kompanııasy oryndaıdy. Nur-Sultan qalasy áýejaıynan alǵashqy reıs 6 shilde 22:00-de ushyp, Narıta áýejaıyna (Tokıo) 7 shilde 08:30-da qonady. Tokıodan sol kúni 21:00-de qaıta ushyp, Nur-Sultanǵa jergilikti ýaqytpen 8 shilde 02:30-da kelip qonady. Shildeden reıster - aptasyna bir ret, al tamyz aıynan bastap aptasyna eki ret qatynamaq», - dep xabarlady QR Indýstrııa jáne ınfraqurylymdyq damý mınıstrligi Azamattyq avıatsııa komıtetinen.
Vedomstvonyń aqparaty boıynsha, «Nur-Sultan-Tokıo-Nur-Sultan» reısiniń jolaýshylaryn «Boıng 767» áýe kemesi tasymaldaıtyn bolady.
«Búgin osy baǵyt boıynsha áýe bıletteri resmı túrde satylymǵa shyǵarylady. Ushyp barý jáne qaıtý bıletteriniń quny 200 000 teńgeni qurasa, tek bir baǵytqa áýe bıletiniń baǵasy 170 000 teńge bolady. Qazaqstan men Japonııa arasyndaǵy tikeleı áýe baǵytynyń ashylýy eki el arasyndaǵy qarym-qatynasty nyǵaıtýǵa, týrızmdi damytýǵa yqpal etedi», - dep atap ótti komıtetten.