Nur-Sultan «sary» aımaqqa ótken joq, onda ázirge Almaty qalasy ǵana tur

NUR-SULTAN. QazAqparat - 8 shildedegi Qazaqstan óńirlerindegi epıdemıologııalyq ahýaldy baǵalaý matrıtsasy jarııalandy.

Oǵan sáıkes «qyzyl» aımaqta eshqandaı óńir joq.

«Sary» aımaqta Almaty qalasy tur.

«Jasyl» aımaqta Nur-Sultan, Shymkent qalalary, Almaty, Aqtóbe, Atyraý, Aqmola, Batys Qazaqstan, Shyǵys Qazaqstan, Jambyl, Qaraǵandy, Qostanaı, Qyzylorda, Mańǵystaý, Soltústik Qazaqstan, Pavlodar, Túrkistan oblystary ornalasqan.

Aıta keteıik, keshe birqatar buqaralyq aqparat quraldarynda Nur-Sultan qalasynyń «sary» aımaqqa ótkeni jaıly habar taraǵan bolatyn.

Densaýlyq saqtaý mınıstrligi búgin bul aqparatty joqqa shyǵaryp otyr.