Nur-Sultan polıtsııasy kúsheıtilgen rejımde jumys istep jatyr

NUR-SULTAN. QazAqparat - Álemdik dinder kóshbasshylarynyń Sezin ótkizý kezeńinde Nur-Sultan qalasynyń polıtseıleri qyzmet atqarýdyń kúsheıtilgen nusqasyna kóshti, – dep habarlaıdy Polisia.kz.

Elorda joldaryndaǵy qoǵamdyq tártip pen jol qaýipsizdigin tıisti qamtamasyz etý, sondaı-aq Álemdik jáne dástúrli dinder kóshbasshylarynyń VII sezi kezeńinde quqyq buzýshylyqtardyń der kezinde aldyn alý jáne jolyn kesý maqsatynda elordalyq polıtsııanyń jeke quramy 13 qyrkúıekten bastap kúsheıtilgen qyzmet túrine aýystyryldy.

Qalaǵa álemniń túkpir-túkpirinen kóptegen qonaqtardyń kelýine baılanysty qoǵamdyq oryndarda, kóshelerde, sondaı-aq mádenı-buqaralyq is-sharalar ótkiziletin oryndarda qosymsha qaýipsizdik sharalary qabyldandy.

«Elordaǵa Rım Papasynyń keldi. Delegatsııa ekskort mototsıklshilermen birge júretindikten, resmı qorǵalatyn kolonnanyń ótý kezeńinde qozǵalys 3-5 mınýtqa shekteledi. Negizinen, bul Qabanbaı batyr dańǵyly, Máńgilik El jáne Qonaev dańǵyly», – dedi qalalyq PD Ákimshilik polıtsııa basqarmasynyń bastyǵy Eljan Chýpekov.

14 qyrkúıek kúni ótetin «messaǵa» qatysýshylardyń eriktilerimen jáne alyp júrýshilermen birge júrip-turýy úshin arnaıy avtobýstar uıymdastyryldy. Sonymen qatar elordaǵa memlekettik saparmen Qytaı Halyq Respýblıkasynyń Tóraǵasy Sı Tszınpın keledi.

Delegatsııa ekskort mototsıklderine ilesip júredi. Nur-Sultan qalasynyń Polıtsııa departamenti turǵyndardan ótkiziletin is-sharalarǵa túsinistikpen qarap, qoǵamdyq tártipti saqtaýdy suraıdy.