Nur-Sultan-Pavlodar tas joly bıyl tolyǵymen paıdalanýǵa beriledi
«Uzyndyǵy 905 shaqyrym «Ortalyq - Shyǵys» kólik dálizi, ıaǵnı astanadan Pavlodar qalasyna deıin jáne Pavlodar-Semeı-Qalbataý qalalary arasyndaǵy avtojoldyń qurylysyn 2019 jyly aıaqtaý josparlanyp otyr. Búgingi kúni 404 shaqyrymy paıdalanýǵa berildi», delingen habarlamada.
Esterińizge salsaq, 2018 jyly Astana-Pavlodar jáne Pavlodar-Qalbataý ýchaskesinde jalpy uzyndyǵy 501 shaqyrymda jóndeý jumystary júrgizilgen bolatyn. Onyń byltyr 239 shaqyrymy qoldanysqa berildi. 2018 jyly bólingen qarajattyń jalpy somasy 57,4 mlrd teńgeni qurady. Sonymen qatar, jańa jabyn tóselgen boıynsha jalpy alǵanda 207 shaqyrymdaǵy aralyǵy ashyldy.
2018 jyldyń qorytyndysy boıynsha «Astana-Pavlodar» avtojolynyń 402 shaqyrymy (404 sh-nan bastap), onyń ishinde 321 shaqyrymy eki jolaqqa, 81 shaqyrymy bir jolaqty qozǵalys qamtamasyz etildi. «Pavlodar-Qalbataý» avtojoly boıynsha qozǵalys jańa jabyndymen túgelimen ashyldy.
2019 jyldyń josparynda 250 km paıdalanýǵa berý josparlanyp otyr, osylaısha «Ortalyq - Shyǵys» kólik dálizi jobasy Nur-Sultannan Qalbataý qalasyna deıin tolyǵymen aıaqtalady.