Nur-Sultan men Qazan qalasy týrızm boıynsha yntymaqtasady

NUR-SULTAN. QazAqparat - Qazaqstan delegatsııasy Qazan qalasyna jumys saparymen bardy. Onda Nur-Sultan men Qazan qalalarynyń týrıstik áleýetin damytý, ınvestıtsııalyq jobalardaǵy yntymaqtastyq, sondaı-aq qala gúlzarlary jáne saıabaqtarmen balanysty jumystar boıynsha tájirıbe almasý máseleleri talqylandy. Bul týraly QazAqparat elorda ákimdiginiń resmı saıtyna silteme jasap habarlaıdy.

Qazaqstandyq delegatsııanyń qatarynda «Astana Invest» QIDO» JShS, «Astana-Tehnopolıs» AEA jáne «Pavlodar» AEA basshylary boldy. Olar Qazandaǵy Tatarstan Respýblıkasynyń ınvestıtsııalyq damý agenttiginiń basshylyǵymen kezdesti.

Eki tarap yntymaqtastyqty odan ári damytý jáne tájirıbe almasý máselelerin talqylady. Sonymen qatar, ınvestıtsııalyq is-sharalarǵa qatysý, onyń ishinde eki memlekettiń basym sektorlaryna ınvestıtsııalar tartý týraly ýaǵdalastyqqa qol jetkizildi.

Óz kezeginde «Astana Invest» basqarma tóraǵasy Erjan Baltaev Qazan qalasynyń týrızmdi damytý komıtetiniń dırektory Darıa Sannıkovamen kezdesti.

Olar Nur-Sultan jáne Qazan qalalarynyń týrıstik áleýetin damytýǵa, týrısterdi tartýǵa baǵyttalǵan birlesken is-sharalardy uıymdastyrý, sondaı-aq ekijaqty yntymaqtastyqtyń perspektıvalary sekildi keń aýqymdy máselelerdi talqylady.

Kezdesý qorytyndysy boıynsha taraptar ekijaqty yntymaqtastyqty odan ári nyǵaıtý týraly kelisimge keldi.